Presidenti meksikan Andrés Manuel López Obrador, ka kërkuar nga Spanja, më saktë nga mbreti spanjoll e gjithashtu dhe Papa Françesku, që t’i bashkohen një faljeje të kërkuar edhe nga ai për krimet e kryera ndaj popujve indigjenë gjatë pushtimit të Meksikës në shekullin e 16.
Ai bëri këtë në një mesazh të postuar në Tëitter, si dhe në një letër bërë publike dërguar dy autoriteteve.
Letra për mbretin spanjoll Filipi VI dhe Papa Françeskun, kërkon njohjen e krimeve dhe kërkim faljeje.
Presidenti meksikan shprehu shpresë se në 2021 ai do të jetë viti i “pajtimit historik”.
“Është koha për t’u pajtuar me të kaluarën”, shkroi Andrés Manuel López Obrador. “Por së pari ne kërkojmë ndjesë”, tha ai.
Në këmbim, ai u zotua të kërkojë falje për krimet e kryera kundër popullit indigjen pasi Meksika shpalli pavarësinë.
Por qeveria spanjolle nuk pranoi të kërkojë falje në një deklaratë që hedh poshtë përmbajtjen e letrës nga presidenti meksikan.
Deklarata thotë se veprimet e ndërmarra nga populli spanjoll 500 vjet më parë nuk mund të dënohen në terma modernë. /tesheshi.com/
