Kundërshtar i palëkundur i marrëveshjes me Greqinë për emrin e ri, presidenti maqedonas Gjorge Ivanov shpalli bojkotin individual të referendumit të pritshëm të 30 shtatorit, për të cilin është angazhuar i gjithë faktori ndërkombëtar.
Në një takim me Diasporën maqedonase në SHBA, Ivanov shpalli:
Dy herë kam fituar besimin e qytetarëve për të mos lejuar ndryshime të Kushtetutës, me qëllim ndryshimin e emrit kushtetues, kam fituar besimin që të mos pranoj idetë dhe sugjerimet që rrezikojnë identitetin kombëtar, të veçantën e kombit maqedonas, gjuhën maqedonase dhe modelin e Maqedonisë për bashkëjetesë. Unë nuk heq dorë nga premtimi im. Prandaj, më 30 shtator, nuk do të dal për votim!”, ishin fjalët e kreut të shtetit maqedonas. Me këtë formë, ai ka zgjedhur të japë mesazhi e tij të kundërshtisë ndaj emrit të ri, paçka presionit nga bashkësia ndërkombëtare.
Pothuajse e gjithë elita politike e Perëndimit ka shkelur këto tre javë në Shkup në përkrahje të pjesëmarjes në referendum dhe mundësisht për t’i thënë “Po” emrit të ri, me resto anëtarësimin në NATO dhe BE. Por Ivanov, një pro-rus i kamufluar në krye të shtetit maqedonas, ka mbajtur pikërisht linjën e Moskës në këtë zhvillim: jo emrit të ri! – përkthyer si jo Maqedonisë në NATO. /tesheshi.com/
