Presidenti i Malit të Zi Filip Vujanoviç, ka deklaruar në gazetën më të madhe në vend “Vijesti” se Podgorica nuk do të krijojë problem edhe nëse nuk ratifikohet nga Parlamenti i Kosovës Demarkacioni, që është kthyer në mollësn e sherrit mes qeverisë dhe opozitës në Prishtinë.
Vujanoviç deklaroi se Mali i Zi e ka ratifikuar Marrëveshjen dhe pret që një gjë të tillë ta bëjë edhe Kosova.
“Kur do ta ratifikojnë në Kosovë është çështje e tyre e brendshme, ne presim me durim ratifikimin”, ka deklaruar Vujanoviç për mediat në qytetin e Mojkovacit, ku mori pjesë në një organizim të qytetit.
“Nuk ka arsye për t’u nevrikosur, por ne presim që në Kosovë të mvyllet ky akt juridik”, ka pohuar Vujanoviç.
I pyetur rreth protestave të fundit në kufi, ai tha përsëri se asgjë nga këto nuk ka nevojë të ndikojë marrëdhëniet Mal i Zi-Kosovë.
“Ajo është thjesht një gjendje shpirtërore, deklaratë e qytetarëve. Unë pres që Parlamenti i Kosovës do të sigurojë shumicën e nevojshme, ndërsa jam i sigurt se në asnjë mënyrë nuk do të ndikojë në marrëdhëniet tona”, tha ai.
/tesheshi.com/
