Presidenti i Kinës, Xi Jinping ka telefonuar homologun e tij amerikan, Donald Trump dhe e ka paralajmëruar që të mos guxojë të zhvillojë asnjë aksion të rrezikshëm në Korenë e Veriut.
Siç bën të ditur agjencia kineze Xinhua, presidenti kinez ka delaruar se “palët e përfshira duhet të heqin dorë nga retorika e fortë që përkeqëson situatën”, tashmë të të tensionuar në gadishullin korean.
Xi ka deklaruar se si Uashingtoni ashtu edhe Pekini janë të interesuar për ta pastruar rajonin nga armët bërthamore.
Ndërkaq, forcat e armatosura të Japonisë kanë kompletuar rreshtimin e raketave balistike mbrojtëse përgjatë gjithë kufirit, pas kërcënimit se Korea e Veriut do të bombardojë ishullin Guam.
“Do të bëj gjithçka mundem për të mbrojtur popullin japonez”, ka deklaruar kryeministri Shinzo Abe, duke folur për mediat në vend. /tesheshi.com/
