Ndihma ndaj atyre që janë duke u mbytur në det është një detyrë elementare dhe politikat e emigracionit të Europës duhet të jenë homogjene. Presidenti italian, Sergio Mattarella theksoi kështu në një konferencë më ambasadorët në Farnesina.
Kreu i shtetit italian ka “sulmuar” politikat e BE për emigracionin duke thënë se blloku bën më pak sa duhet për këtë problem. “Më habit kjo sjellje që është i ri kulturalisht në shumë aspekte”, ka shtuar Mattarella.
Ai ka shtuar se në këtë situatë po vihen në provë vlerat mbi të cilat bazohet Europa, por, “në disa raste frika dhe egoizmi prevalojnë mbi përgjegjësinë për të deklaruar unitet mbi vlera të tilla si liria, demokracia dhe solidariteti”.
Mattarella ka konfirmuar edhe qëndrimin e Italisë në krah të vendeve që “në anën tjetër të Mesdheut” janë në vijën e parë të luftës kundër obskurantizmit dhe joqytetërimit. /tesheshi/
