Islanda befason dhe me presidentin, veç futbollit që ka ofruar në europianin e Francës.
Kreu i këtij shteti 300-mijë banorësh, nuk ka preferuar ta shohë përfaqsuesen e vendit të tij në tribunën VIP, por aty “mes popullit”, mes tifozëve.
“Pse duhet të shkoj në zonën VIP dhe të pij shampanjë kur këtë gjë mund të bëj në çdo vend tjetër të botës?”, i tha CNN-it Gudni Thorlacius Johannesson, presidenti 48-vjeçar, duke shtuar më pas: “jo, jo, do të shkoj te tifozët në shkallët e stadiumit dhe do të vesh bluzën e ekipit. Franca nuk duhet të na nënvlerësojë”.
Fotoja ku Johannesson duket mes tifoësh është ajo ndeshjes me Anglinë.
Në fakt, Johannesson mund të ulet ku do dojë në këto ndeshje, pasi ende nuk ka bërë betimin si president i vendit. /tesheshi.com/
