Hasan Ruhani, presidenti iranian, qe përgatitur të bënte vizitën e tij të dytë në Europë gjatë kësaj jave, e cila është shtyrë për arsye sigurie.
Pasi vizitoi Italinë dhe Francën në janar, Ruhani kishte planifikuar një qëndrim në Austri këtë javë. Ai do të takohej të mërkurën me presidentin austriak, Heinz Fischer, e një ditë më pas do të pritej nga kancelari Werner Faymann, ndërsa do të merrte pjesë dhe në forumin ekonomik austriako-iranian.
Një deklaratë nuk jep shumë detaje, por thjesht njofton shtyrjen e vizitës: “Vizita për më 30-31 mars e presidentit Hasan Ruhani dhe e delegacionit të tij është shtyrë nga pala iraniane për arsye sigurie.”
Një zëdhënës i Ministrisë së Brendshme austriake tha se nuk kishte ndonjë tregues konkret të një kërcënimi për sigurinë në Vjenë.
Faqja elektronike e qeverisë iraniane e pohoi shtyrjen e vizitës, të bërë, sipas saj, me marrëveshje të ndërsjelltë, por pa thënë asgjë për shqetësime mbi sigurinë. Si pala iraniane, ashtu dhe ajo austriake, nuk kanë bërë të njohur se në ç’datë do të kryhet vizita e shtyrë. /tesheshi.com/
