Lakmia është kaq e fortë. Të gjitha vlerat njerëzore janë duke u avulluar, komentoi presidenti i Federatës Evropiane të Futbollit (UEFA), Alexander Ceferin, mbi vendimin për të filluar Superligën, e cila mbështetet nga 12 të mëdhenjtë e futbollit evropian.
“Ne jemi të sigurt që kemi të drejtë dhe do të luftojmë deri në fund. Nëse nuk kemi për të luftuar, nëse disa njerëz vijnë në vete, unë do të jem personi më i lumtur,” tha ai, duke shtuar: “Por ne e dimë se po bëjmë gjënë e duhur. Futbolli nuk është për shitje dhe ne nuk jemi për shitje kurrë”.
Vendimi i një grupi klubesh evropiane që arriti një marrëveshje për krijimin e një gare të re futbolli Super League në të cilën do të merrnin pjesë 20 klube, zhgënjeu drejtuesin e organizatës së futbollit ombrellë në “Kontinenti i Vjetër”.
Pas UEFA-s dhe Ceferinit, presidenti i FIFA-s Gianni Infantino, gjithashtu dha mendimin e tij për krijimin e Super League.
“Ne në FIFA kundërshtojmë me forcë krijimin e një Super League që do të ishte një garë më vete. Një garë që nuk është nën juridiksionin e ndonjë organizate ose kampionati nën UEFA ose FIFA.
Eshtë me shumë në rrezik pqë fitosh më shumë para në një periudhë afatshkurtër. Njerëzit duhet të mendojnë mirë dhe të marrin përgjegjësi. Nëse disa zgjedhin këtë rrugë, atëherë ata duhet të jenë të përgatitur për pasojat dhe të dinë se si të jetojnë me to. Ata janë përgjegjës për veprimet e tyre. Kjo është e thjeshtë, ose je brenda ose nuk je, asgjë nuk mund të jetë gjysmake”, tha Infantino. /tesheshi.com/
