Me afrimin e datës së zgjedhjeve presidenciale amerikane, kur e gjithë bota do të mbajë frymën deri në verdiktin përfundimtar që çon pasardhësin e Barack Obamës në Shtëpinë e Bardhë, shtohen dhe zërat e lidërve botërore që shprehin në një farë mënyrë preferencat apo antipatitë për këtë apo atë figurë. E së fundi, është presidenti gjerman, Joachim Gauck që është shprehur i shqetësuar për një fitore të mundshme të kandidatit republikan, manjatit kontravers Donald Trump, të cilin e gjykon të paparashikueshëm.
“Ne nuk jemi në gjendje të themi se çfarë mund të presim nga Donald Trump si president dhe kjo përbën për mua, ashtu si për shumë persona në SHBA, një problem”, deklaroi Joachim Gauck në një intervistë për të përjavshmen gjemane, Der Spiegel, duke shtuar më tej se “Paparashikueshmëria e tij është një burim shqetësimi.”
“Jam i shqetësuar duke parë se çfarë po ndodh në Uashington”, shtoi më tej kreu i shtetit gjerman, që gjithsesi, duke qenë një post honorifik nuk është se fjala e tij ka shumë peshë në zhvillimet botërore, sikurse do ishte ajo e kancelares Merkel. /tesheshi.com/
