Presidenti gjerman Joachim Gauck mbështet kërkesat e Athinës për kompensimin e pushtimit nazist të bërë ndaj Greqisë në Luftën e Dytë Botërore, pavarësisht nga fakti se qeveria e Berlinit i ka refuzuar në mënyrë të përsëritur këto kërkesa.
Gauck tha në një intervistë të botuar në gazetën Sueddeutsche Zeitung se Gjermania duhet të marrë parasysh përgjegjësinë historike ndaj Greqisë.
Ai shtoi se “gjëja e drejtë që duhet të bëjë një vend i cili është i vetëdijshëm për historinë e tij është gjetja e mundësive për kompensim.”
Kërkesat e Greqisë të cilat arrijnë në € 278.7 miliardë euro (312 miliardë dollarë) për kompensimin e pushtimit nazist kanë rënë gjithmonë në vesh të shurdhër, por disa ekspertë ligjorë thonë se ka argumenta që e lejojnë procedimin ligjor të saj.
Shumica e opinionit publik në Greqi ia hedh fajin Gjermanisë -si kreditori më i madh i vendit të tyre- për masat e ashpra shtrënguese dhe normat rekord të papunësisë që pasoi dy planet e shpëtimit me shumën totale 240 miliardë euro.
Burimi: Reuters
/tesheshi.com/
