Francois Hollande e viziton sot Egjiptin për herë të dytë në më pak se një vit. Kajro është ndalesa e dytë e presidentit francez në Lindjen e Mesme pas vizitës së djeshme në Liban.
Një delegacion ekonomik e shoqëron kreun e shtetit francez, së bashku me 60 afaristë.
Abdulfettah es-Sisi dhe Francois Hollande pritet të nënshkruajnë memorandume mbi një sërë fushash dhe projektesh, ku një vend të veçantë zë marrëveshja ushtarake mes dy vendeve.
Një marrëveshje armatimi, me një vlerë më shumë se një miliardë dollarë, do të nënshkruhet pas muajsh të tërë negociatash.
Si pjesë e marrëveshjes, Egjipti do të marrë nga Franca avionë luftarakë dhe anije luftarake. Miliarda dollarë janë harxhuar gjatë dy viteve të shkuara nga qeveria egjiptiane për të marrë armatim francez.
Pavarësisht deficitit buxhetor prej 11.5 përqindësh, Egjipti harxhon miliarda për buxhetin e mbrojtjes.
Krizat në Siri, Libi e Jemen, janë pjesë e bisedimeve mes dy presidentëve.
Egjipti është një partner i rëndësishëm ekonomik i Francës në këtë rajon, pasi vlera e tregtisë mes dy vendeve llogaritet në 2.6 miliardë euro në vit. /tesheshi.com/
