Rodrigo Duterte, në qendër të vëmendjes prej kohësh për shkak të qeverisjes me dorë të hekurt në Filipine, e për shkak të deklaratave të tij të herëpashershme, u ka ofruar strehë refugjatëve ngado që janë.
Dështimi i vendeve perëndimore për t’u ardhur në ndihmë refugjatëve qëndron, sipas tij, pas vendimit për t’u hapur dyert refugjatëve.
“Unë them: na i dërgoni ne. Do t’i pranojmë ata, do t’i pranojmë të gjithë. Ata janë qenie njerëzore,” ka thënë Duterte për një program të Al Jazeera-s.
Presidenti i Filipineve nuk ka arritur të thotë se si do t’i bëjë ballë vendi i tij mbërritjes së refugjatëve, veçse e ka bërë të qartë se, “Ata mund të vijnë gjithmonë këtu. Kam për t’i mirëpritur gjersa të mbushemi rrafsh.”
Rreth 1.8 milionë njerëz u kthyen në refugjatë në vitin e shkuar, ndërsa shumë vende perëndimore i kanë mbyllur kufijtë për të zhvendosurit.
“Vendet perëndimore ngjajnë të jenë shumë të gjindshme për të drejtat e njeriut,” ka vënë në dukje Duterte me ironi, “por papritmas ndryshojnë kurs dhe thonë jo.” /tesheshi.com/
