Duke folur në krahinën jugore turke Kilis, në kufi me Sirinë, e cila ka akomoduar mbi 120.000 refugjatë sirianë, Erdogan ka thënë se shumica e sirianëve që ndodhen në Turqi do të mund të bëhen qytetarë të Republikës së Turqisë.
“Ministria jonë e punëve të Brendshme ka marrë hapa të domosdoshme në lidhje me këtë çështje. Do t’u ofrojmë mundësi për nënshtetësinë turke duke u ndihmuar vëllezërve dhe motrave tona përmes zyrave, të cilat do të hapen nga kjo ministri”, është shprehur Erdogan.
Rreth 2,7 milion sirianë, të cilët kanë ikur nga lufta civile në vendin e tyre, kanë gjetur strehim në Turqi.
Siria ndodhet në qarkun e mbyllur të luftës civile që nga viti 2011, kur regjimi i Bashar al-Assadit ka shuar protestat pro-demokratike me një egërsi të paparë.
Sipas të dhënave të Kombeve të Bashkuara, që nga atëherë kanë vdekur mbi 250.000 njerëz, derisa më shumë se 10 milion njerëz janë zhvendosur. /tesheshi.com/
