Republika çeke po përballet me një zgjedhje të qartë, pas pjesës së parë të zgjedhjeve të saj presidenciale.
Të dy rivalët, presidenti çek pro-rus në detyrë Milos Zeman dhe akademiku pro-BE Jiri Drahos, do të përballen kokë më kokë pas dy javësh.
Me 98.9 për qind të vendvotimeve të numëruara, Zeman udhëheq në raundin e parë të garës me 38.6 për qind të votave, kundër Drahos i cili fitoi 26.6 për qind.
Zeman, në detyrë që nga viti 2013, ka kritikuar flukset e emigracionit nga vendet muslimane.
Ndërkohë që shumica e çekëve ndajnë pikëpamjet e tij mbi imigracionin, prirja e Zeman drejt grupeve ekstremit të djathtë dhe marrëdhëniet e tij të ngushta me Rusinë dhe Kinën kanë ndarë opinionin publik.
Sfiduesi Drahos, 68 vjeç, duket i vendosur të marrë shumicën e votave nga ata që kishin mbështetur kandidatët e eliminuar.
Presidentët çekë kanë kompetenca të kufizuara ekzekutive, por funksioni i tyre është thelbësor në formimin e qeverive, diçka që vendi anëtar i BE-së tani po përpiqet të bëjë.
Raundi i dytë do të mbahet më 26-27 janar. /tesheshi.com/
