Marrja e një rajoni policie në Jerevan nga 20 persona të armatosur më 17 korrik, dhe të gjitha ngjarjet pasuese, e kanë detyruar presidentin e vendit, Serzh Sarkisian, të bëjë thirrje për ndryshime radikale në vend.
Në një takim me përfaqësues të shoqërisë civile, të udhëheqësve fetarë dhe të zyrtarëve të shtetit, Sarkisian ka deklaruar se duhet të përshpejtohet procesi i ndryshimeve radikale në jetën politike dhe shoqërore të Armenisë.
“Eshtë e vërtetë se autoritetet armene nuk janë të përsosura. Eshtë e vërtetë se ka shumë probleme dhe çështje komplekse në Armeni. Qëllimi ynë është t’u japim atyre një zgjidhje të shpejtë.”
Sarkisian është zotëruar se askush nuk do të lejohet t’i minojë themelet e shtetit armen. “Problemet në Armeni nuk do të zgjidhen nëpërmjet dhunës apo armëve. Jerevani nuk është as Bejrut, as Halep,” ka thënë ai.
Të armatosurit që morën rajonin policor kërkuan lirimin e udhëheqësit të burgosur të opozitës, Zhirair Sefilyan, si dhe dorëheqjen e presidentit. Ata morën peng punonjës policie dhe pjesëtarë të personelit mjekësor.
Rajoni policor ku gjendeshin të armatosurit u rrethua të dielën, ndërsa një deklaratë e njërit prej të armatosurve fliste për vazhdim të luftës dhe në burg.
Situata në Armeni është tensionuar që në qershor, kur Zhirair Sefilyan, një kritik i ashpër i pushtetit aktual, u arrestua me gjashtë mbështetës për përgatitje për marrjen e ndërtesave qeveritare dhe të atyre të shërbimeve telefonike. /tesheshi.com/
