Presidenti amerikan Donald Trump ishte duke u bërë gati për të dhënë një njoftim të rëndësishëm lidhur me armët, por pikërisht në ato momente ai u sulmua me një celular.
Përmes një videoje të publikuar në mediat ndërkombëtare shihen momentet kur Donald Trump sulmohet me një celular gjatë një fjalimi në Indianapolis.
Siç shihet në pamje, hedhja e telefonit as që i afrohet Presidentit, pasi personi që tentoi të godiste Trumpin u ndalua nga Shërbimi Sekret.
Fjalimin ku u sulmua me një armë të improvizuar, Trump mori vendime të rëndësishme për armët e zjarrit. Presidenti njoftoi zyrtarisht tërheqjen e SHBA-ve nga traktati i OKB-së për armët.
“Njoftoj zyrtarisht sot se SHBA-të tërheqin firmën e tyre nga kjo marrëveshje e keqe. Tërheqim firmën tonë. OKB do të marrë shpejt një lajmërim se Amerika e refuzon këtë Traktat”.
Presidenti firmosi përpara të pranishmëve urdhrin për daljen e SHBA-ve nga ujdia e firmosur në vitin 2013 nga paraardhësi i tij Barack Obama. Traktati për Tregtinë e Armëve synon monitorimin e eksportit të armëve të vendeve kontraktuese. Trump tha se kjo marrëveshje i mban SHBA-të të varura nga “burokratët e huaj”. /tesheshi.com/
