Presidenti i tanishëm i Republikës Çeke, Milos Zeman ka fituar një mandat pesëvjeçar, pasi mposhti rivalin e tij Jiri Drahos.
Fitorja shihet si një përkrahje e heshtur e qëndrimit të ashpër të Zeman kundër emigracionit dhe lidhjeve të tij me Rusinë dhe Kinën. Drahos fitoi në shumicën e qyteteve kryesore, ndërsa mbështetja e Zeman ishte kryesisht në qytetet më të vogla dhe në vendet rurale. Ai u pa si një rishtar politik i cili ishte më i orientuar kah Perëndimi sesa Zeman.
Pavarësisht humbjes, Drahos thotë se do të mbetet në politikë. “Pas kandidaturës, pas fushatës, me shumë njerëz, mbështetjen e atyre njerëzve, kam vendosur të qëndroj brenda jetës publike, në politikë,” tha ai.
Drahos u përshëndet me një raund të madh duartrokitjesh në qendër të konferencës së Pragës pas disfatës së tij. Por përkrahësit e tij u zhgënjyen që shumica e votuesve donin që politika të vazhdonte në të njëjtën rrugë dhe të votonte për Milos Zemanin euroskeptik. /tesheshi.com/
