Austria këtë të dielë është në sfidën e ripërsëritur të zgjedhjes së presidentit të ri, ku në përballje janë udhëheqësi i Partisë së Lirisë, Norbert Hofer i ekstremit të djathtë, me ish-kreun e Partisë së Gjelbër, Alexander van der Bellen.
Këto zgjedhje u shënuan nga precedenti i përsëritjes për shkak se Gjykata e Lartë austriake gjeti për parregullsi në votimi. Rezulati i tyre javë më parë ishte në favor të kandidatit Van der Bellen.
Dhe zgjedhjet e sotme konsiderohen si një lloj “Brexit”-i për Europën, pasi nëse fiton Hofer, ,ai do të ishte kreu i parë i ekstremit të djathtë në një shtet të Bashkimit Europian, një shenjë kjo jo e mirë për të ardhmen e unionit që po zien nga populizmat. Hofer e ka mbështetur fushatën e tij mbi platformën antiemigracion, madje duke sugjeruar edhe mundësinë e një largimi të Austrisë nga BE-ja.
Megjithatë, sondazhet e deritanishme, edhe pse i vendosin afër e afër kandidatët, i japin njëe avantazh të lehtë fituesit të deritanishëm, Van der Bellen.
Por gjithçka mund të ndodhë; jetojmë në Europën e lëkundjeve të mëdha. /tesheshi.com/
