Donald Trump e nisi javën e parë të punës si president përfundimisht në mbrojtje, pasi me miliona amerikanë dolën në rrugë për të protestuar kundër zgjedhjes së tij dhe Shtëpia e Bardhë u vu nën kritika të ashpra për gënjeshtra të hapura ndaj publikut.
Të irrituar nga demostratat më të mëdha të kombit që nga lufta e Vietnamit, Trump dhe ndihmësit e tij kaluan një fundjavë të parë të jashtëzakonshme në detyrë, duke pretenduar në mënyrë fallco për numër rekord pjesëmarrësish në ceremoninë e inagurimit.
Sekretari i Shtypit i Trump, Sean Spicer, e përdori daljen e tij të parë përpara mediave për t’u ngritur zërin gazetarëve rreth asaj që ai në mënyrë jo korrekte e cilësoi “raportim të qëllimshëm të rremë” për inagurimin e Trump, duke deklaruar: “Ne do ta vendosim shtypin përpara përgjegjësisë”.
“Ishte audiencë më e madhe ndonjëherë që u bë dëshmitare e një inagurimit dhe pikë”, tha Spicer, në një nga disa deklaratat kontradiktore me faktet e ofruara nga fotografët dhe të dhënat e statistikave. “Këto përpjekje për të zvogëluar entuziazmin e inagurimit janë të turpshme dhe të gabuara”.
Kellyanne Conway, ndihmëse e lartë në Shtëpinë e Bardhë tha për televizonin NBC se Spicer më shumë ka ofruar “fakte alternative”, një frazë që u prit me një tronditje të gjerë nga bota e medias.
Deklaratat e tyre u pasuan nga protesta që ngritën në këmbë rreth 2.6 milionë njerëz në gjithë Amerikën, të cilët morën pjesë në “marshimin e grave”, një protestë kundër Trump, i cili akuzohet për ngacmime seksuale dhe sulme nga dhjetëra grave dhe është regjistruar në një video ku mburret për këto veprime.
Pothuajse, 1 milion njerëz vlerësohet të kenë marrë pjesë në protestën në rrugët e Uashington DC në ditën e parë të marshimit. Me qindra mijë të tjerë protestuan në Nju Jork, Los Anxhelos, Çikago apo Boston dhe në disa kryeqytete në botë.
Numri total ishte shumë më i madh nga sa pritej dhe tejkaloi lehtësisht turmën e inagurimit të Trump, një ditë më herët. Sistemi i Metrosë së Uashingtonit njoftoi për 1 milion e 1616 mijë udhëtime vetëm ditën e dielë, krahasuar me 570 mijë ditën e premte.
Por, presidenti u përpoq të hidhte poshtë domethënien e demostratave. “Pashë protestat por kisha përshtypjen se ishin në zgjedhje. Përse nuk votuan këta njerëz?”, shkroi Trump.
Ndërkohë, kritika të tjera mbërritën ndaj tij për fjalimin e stilit fushatë që ai mbajti në një memorial për oficerët e CIA-s të rënë në detyrë. Duke thënë se ishte “në luftë me median”, Trump kërkoi raportime të sakta për turmën e tij të inagurimit që ishte më e pakët se ajo e Barak Obamës, duke e cilësuar këtë krahasim “gënjeshtër”.
John Brennan, drejtori në ikje i CIA-s, tha se komentet e Trump ishin një “shfaqje për të ardhur keq e vetë-madhështisë” që i kishte krijuar një ndjesi trishtimi dhe zemërimi.
“Trump duhet t’i vijë turp nga vetja”, tha Brennan në një deklaratë.
Ndërsa çështja e numrave të inagurimit ishte e diskutueshme, fakti që ekipi i Trump ishte shumë i gatshëm të mohonte realitetin që e pa pjesa tjetër e botës nga zyra më e fuqishme e botës, ka alarmuar figurat e të gjithë spektrit politik.
“Nëse Trump nuk mund të menaxhojë median për përmasat e turmës, vetëm prisni kur media të raportojë për ekonominë, buxhetin dhe kujdesin shëndetësor”, tha kongresmeni Adam Schiff nga Kalifornia. “Gjithçka të pafavorshme, ai e quan gënjeshtër”.
Veprimet e kësaj fundjave kanë zbehur shpresën se Trump, që në mënyrë të përsëritur ka dhënë deklarata të rreme gjatë fushatës, do të zbutej në veprimet e tij operacionale e do të kthjellohej nga makineria e qeverisë dhe rëndësia e pozicionit, pasi të merrte detyrën.
Përgatiti: Juli Prifti – /tesheshi.com/
