Më 8 gusht, doganierët serbë në vendkalimin e Preshevës parandaluan tentativën e dy udhëtarëve për të kontrabanduar bizhuteri ari, vlera e të cilave llogaritet në mbi 2.2 milionë dinarë serb, siç informojnë mediat e Beogradit. Bizhutë ishin fshehur në pelena.
Sasia u zbulua në një Passat me targa zvicerane, në të cilin një çift i ri martuar po udhëtonte nga drejtimi i Maqedonisë së Veriut për në Zvicër.
Ndonëse thanë se nuk kishin asgjë për të deklaruar, doganieri gjatë kontrollit të makinës ka gjetur një çantë para sediljes së pasagjerit, ku ndër të tjera kishte edhe një pako të pahapur me pelena.
Pesha e pazakontë ngjalli dyshime se diçka fshihej brenda, gjë që shumë shpejt u dëshmua të ishte e vërtetë, pasi në disa pelena u gjetën afro gjysmë kilogram gjerdan dhe byzylykë floriri me dukat, si dhe zinxhirë dhe
unaza.
Meqenëse vlera e bizhuterive të zbuluara tejkalonte një të tretën e vlerës së automjtetit, me vendim të gjykatës është konfiskuar përgjithmonë automjeti, në vlerë prej mbi një milion dinarë serb, përveç arit, transmeton Nova.rs.
Identiteti i çiftit nuk është bërë me dije. /tesheshi.com/
