Kryetari i komunës së Preshevës do të jetë një përfaqësues i politikës së re në Luginë që edhe nga emri godet pasi përfaqëson rrënjën kombëtare.
Sipas marrëveshjes së sapo u nënshkrua mes Alternativës për Ndryshime Demokratike dhe Partisë për Veprim Demokratik në Preshevë, kryetar i komunës është zgjedhur, Shqipërim Arifi, apo ai që cilësohet si “fituesi moral i zgjedhjeve të 24 prillit”.
Fehmi Ramadani, një gazetar i njohur dhe kryetar i Shoqatës së Shqiptarëve të Preshevës në Fushë-Kosovë, u shpreh për tesheshi.com, se “ky koalicion është një ogur i mirë për një politikë të re që i jep fund politikës së tuxharëve që kanë mbajtur peng zhvillimet, duke mos lejuar ‘ajrosjen’ e një ambjenti tymues që ka zënë myk”.
Ramadani thekson më tej se “Ky koncept i ri politik pikë së pari ka thyer të gjitha iluzionet se në Luginë vështirë është të ndryshohet mentaliteti i vjetër politik i krijuar për një kohë të gjatë.
Të rinjtë e këtij vendi të organizuar rreth një subjekti politik Alternativa për Ndryshime ia kishin arritur që vetëm brenda një viti kishin arritur të ndryshojnë këtë mentalitet të vjetër duke sjellë një frymë të re, por edhe një shpresë dhe shans të ri, sidomos për tē rinjtë, të cilët ishin anashkaluar një kohë të gjatë”.
Ndërkaq në Bujanoc ka fituar Shaip Kamberi.
/tesheshi.com/
