Presidenti i Algjerisë, Abdelmadjid Tebboune, tha se ushtria e vendit të tij është e gatshme të veprojë në momentin kur hapen kufijtë midis Egjiptit dhe Rripit të Gazës.
Në fjalimin e tij në Algjerinë verilindore, Tebboune foli për situatën aktuale në Gaza dhe ndihmën në zonë.
“Ne kurrë nuk do të largohemi nga Palestina, veçanërisht nga Gaza. Betohem në Zot nëse na lejojnë dhe hapin kufijtë midis Egjiptit dhe Gazës, atëherë mund të bëjmë diçka”, tha ai.
Ai përmendi edhe premtimin që ka bërë kur bëhet fjalë për rindërtimin e Gazës.
“Kam bërë një premtim dhe ushtria është gati sapo të hapen kufijtë dhe të lejohen kamionët tanë të hyjnë. Brenda 20 ditëve do të ndërtojmë tre spitale, do të dërgojmë qindra mjekë dhe do të ndihmojmë në rindërtimin e asaj që shkatërruan sionistët”, tha presidenti algjerian.
Presidenti algjerian në disa raste ka shprehur mbështetjen e plotë të vendit të tij për Palestinën, duke theksuar se kjo është një çështje e shenjtë.
