Kryeministri kanadez, Stephen Harper u zotua se nëse qeveria e tij konservatore rizgjidhet në votimet e vjeshtës, ai do ta sanksionojë në krim udhëtimin e kanadezëve drejt vendeve që janë nën kontrollin e grupeve ekstremiste.
“Qeveria do ta shndërrojë në vepër penale udhëtimin e qytetarëve drejt vendeve që janë baza të aktivitetit terrorist”, tha ai.
Ai i bëri komentet në Otava gjatë një takimi elektoral, ku shtoi se e ka fjalën për vendet më të rrezikshme në tokë, ku qeverisja nuk ekziston dhe dhuna është e përhapur dhe brutale.
Ligji, sipas tij, do të prodhojë edhe një hartë të zonave të deklaruara nga Qeveria si nën kontrollin terrorist. Edhe pse nuk përmendi emra, CBC raportoi se në një deklaratë për mediat, konservatorët thanë se pjesë të Irakut dhe Sirisë do të jenë të përfshira.
Harper tha se nuk është e drejtë e njeriut të udhëtosh në këto zona e problemi duhet trajtuar që në fillim përpara se “terroristë të trajnuar” të kthehen në Kanada prej këtyre vendeve. /tesheshi.com/
