Ende pa filluar fushata për lokalet e 22 tetorit, Lëvizja Vetëvedosje dega në Dragash ka bërë një premtim të çuditshëm.
Kjo parti ka thënë se nëse merr drejtimin e komunës në Dragash, uji zyrtar në pritjen e delegacioneve do të jetë “Tana ion”, ujë të cilin e tregëton një biznes lokal.
“Me këtë veprim synojmë që të senzibilizohet opinioni në lidhje me rëndësinë e konsumimit të produkteve vendore, dhe të fuqizohet edhe më shumë fushata “Duaje Tënden” aktivitet ky i cili organizohet nga aktivistet tanë”, thuhet në një njoftim të degës së këtij subjekti në faqen e saj në Facebook.
Megjithatë ky premtim bie në kundërshtim me ligjin, pasi që çdo qeveri lokale apo qendrore duhet të respektojë konkurrencën e lirë dhe jo të favorizojë kompani të caktuara. /tesheshi.com/
