PD vijoi me prezantimin e programit të saj nën slloganin “Shqipëria fiton”, duke u ndalur te sektori i Mirëqënies Sociale.
Me anë të 5 pikave, edhe aty nuk u fol për reformism struktural, por u bënë premtime në shifra:
1.Rritja e pensioneve për 650 mijë pensionistët 2 herë më shumë se norma e inflacionit, të paktën 5% çdo vit.
2.Njerëzit me aftësi të kufizuara pjesë reale e vendimmarrjes të qeverisjes së PD
3.Dyfishim menjëherë i asistencës për familjet në nevojë
4.Subvencionim i plotë i interesave për kredi bankare për shtëpi për 20 mijë çifte të reja.
5.Për çdo të porsalindur, 3000 lekë të reja çdo muaj deri në moshën 5 vjeç.
Duke iu referuar kritikave që i janë bërë ditëve të funditm në lidhje me natyrën “pa laps” të shumë premtimeve, kreu demokrat Basha u tregua jokorrigjues por këmbëngulës në një prej tyre.
“Po jua them fare qartë: ne do të paguajmë 100%të interesave bankare, për çdo kredi që një çift i ri apo një familje e re merr për të blerë një banesë. 5000 të tilla në vit gjatë katër viteve të para, 20 000 çifte dhe familje të reja do të përfitojnë subvencionimin 100% të interesave të kredive që do të marrin për banesën e tyre”, tha Basha. /tesheshi.com/
