Kreu i opozitës paraqiti programin e PD-së për shëndetësinë, te i cili u shfaq e njëjta simptomë: ajo e përqëndrimit te paratë dhe jo të reforma.
Basha ofroi premtimin e njohur për rritje pagash, te mjekët e infermierët, duke qëndruar të e njëjti format; pra, premton zgjidhje situatash me para, pa ofruar paralel metoda apo modele se si krijohen të ardhurat, ku përftohen ato, si rritet ekonomia, dhe se kujt përvojë i referohet ai për këto.
Në rastin e shëndetësisë, pak ditë më parë, dhe si rrallë në ligjërimin apo vizionin politik shqiptar, kryemnmistri Rama iu referua një modeli, duke paralajmëruar aplikimin e tij në Shqipëri. Bëhet fjalë për atë turk. Pa u kompleksuar aspak nga PPP-të, ai tha se shëndetësia turke u reformua nga Partneriteti Publik Privat, e sot shkëlqen në nivel botëror.
Duke paralajmëruar se spitali i Fierit që po ndërtojnë turqit, do jetë dhe pikënisja e një reforme në sistemit shëndetësor shqiptar sipas modelit turk, Rama tha:
“Jemi në fazën që do hapim tjetër kapitull me shëndetësinë.
Sistemi shëndetësor turk, i cili para reformës ka qenë një nga sistemet më të dobëta dhe më të korruptuara shëndetësore në të gjithë hemisferën tonë, është sot një nga sistemet më ekselente, pasi e ka bazën e suksesit të vet te Partneriteti Publik Privat (PPP-të).
E dini që spitalet publike turke menaxhohen nga kompanitë private? Pra, nuk menaxhohen nga shteti.
Çfarë do të thotë që te menaxhohen nga kompanitë private?
Jo që kompanitë private caktojnë mjekët, jo që kompanitë private caktojnë infermierët, jo që kompanitë private drejtojnë shefat e pacioneve, absolutosht jo. Gjithë pjesa e kujdesit shëndetësor është drejtpëdrejt e varur nga shteti, nga autoritetet shëndetësore, ama e gjithë pjesë që ka të bëjë më infrastrukturën, pra godina, ftohja, ngrohja, kateringu, çarçafët, krevatet, aparaturat, funksionoi, s’funksionoi, rezonacna etj., është komplet privat.
Dhe këto kompani private kanë kompani që ndërtojnë spitalet dhe që administrojnë spitalet.
Mjekët janë të paguar nga shteti, por janë të varur nga sistemi i tyre i brendshëm, Dhe gjithçka funksionon si në një spital privat nga pikëpamja e administrimit të të ardhurave”, ishin fjalët e Ramës.
Dhe Basha duhet ta ndjentë si sfidë këtë, i detyruar dhe ai që të sillte modelin konkret se si do reformonte shëndetësinë. Rritja e pagës, që të jetë e shëndetshme, duhet të jetë brenda reformës dhe jo jashtë saj.
Por njeriu që aspiron qeverisjen u shfaq patetik dhe aspak konkret.
“Riorganizmi i shërbimit të shëndetit publik do të bëhet sipas standardeve ndërkombëtare, në mënyrë që të jemi të përgatitur të përballojmë me sukses edhe sfidat e së ardhmes”, tha Basha.
Po sipas cilave standarte, të kujt vendi? Dhe më tej: a ka një oponencë Basha për modelin turk të zgjedhur nga Rama?
Duhen thënë këto në funksion të ngritjes së pjacës së debatit politik në Shqipëri, të cilën, si gjuha politike e si ajo mediatike e opozitës e mbajnë mjaft të ulët.
Shqipëria e vitit 2020 nuk është ajo e vitit 2010, madje as e 2015-ës jo, nën vrunduj realitetesh që ndryshojnë me shpejtësi, globale apo lokale.
Të kesh ende narrativat e mesviteve 2000, e nganjëherë dhe të mesviteve ’90, si në akuza e si në premtime, do të thotë ose nuk e njeh Shqipërinë, ose ke paaftësinë për ta njohur në sekretet e saj zhvillimore e jozhvillimore. /tesheshi.com/
