Ministri i Financave Arben Ahmetaj, shpalli me të madhe se nga data 1 janari i vitit 2019, në zonat e banuara nuk do të ketë më kazino elektronike. Ndërsa bastet sportive, shtoi ai, do jenë në distancë 200 metra nga njëra – tjetra.
Këtë, ministri Ahmetaj e kumtoi me një lloj krenarie politike, i ndodhur në komisonin parlamentar të ekonomisë.
Nga 1 janari 2019, dua ta deklaroj për qytetarët sepse deputetët e dinë, nuk do të ketë shtyrje të ligjit sa i përket largimit të kazinove elektronike nga qytetet. Në 1 janar nuk do të ketë më në qytet kazino elektronike, do të largohen nga qyteti dhe këtë vendime ka marrë kjo mazhorancë, e ka marrë mazhoranca e PS, qeveria e PS. Në 1 janar dua ta ndaj me qytetarët, dua ta ndaj me kompanitë, dua ta ndaj dhe me ju nuk do të ketë më kazino elektronike, në bazë të ligjit kazinotë elektronike do të largohen në zona ku me ligj do të lejohet ky aktivitet që nuk ka lidhje me zonat e urbanizuara. E dyta, në bazë të definicionit të ligjit do të ushtrohen klauzolat e rrallimit të zyrave të basteve, 1 në 200 metra.
Më tej Ahmetaj mbrojti idenë se qeveria Rama jua ka bërë të vështirë ekzistencën duke jua rritur taksimin shumë më tepër se Nano e Berisha, e që tashmë po i nxjerr lojrat e fatit dhe jashtë qyteteve.
Qeveria “Rama” startoi në 2013-ën me aksionin “Fundi i Marrëzisë”, një fushatë kundër lojrave të fatit, por që u sfumua javë pas javë.
Për një pjesë të gjykimit publik, ai aksion rezultoi i dështuar në kohë. /tesheshi.com/
.
