Blutë e Londrës janë përgjigjur pozitivisht largimit të trajnerit, Jose Mourinho, duke triumfuar në sfidën ndaj Sunderland, (3-1). Një ndeshje fantastike e zhvilluar nga futbollistët e kampionit aktual që kishin humbur shkëlqimin me portugezin, i cili vazhdon të përkrahet ende nga pubiku në Stamfor Bridge.
Goli i parë në ndeshje nuk vonon shumë, i cili i përgjigjet thirrjes së William për të përfunduar topin në rrjetë. Pak minuta më vonë, tashmë është Ivanoviç ai që luan rolin e asistuesit, duke pasuar për Pedro Rodriguezin që realizon golin e dytë në këtë përballje, (2-0). Shifra këto me të cilat mbyllet 45 minutëshi i parë.
Fraksioni i dytë i lojës nisi në mënyrën më të mirë të mundshme për vendasit që fituan penalti në minutën e 50. Goditjen nga pika e bardhë në gol e shndërroi braziliani Oscar, për t’i dhënë vulën triumfit të pestë këtë edicion. Krejt çka arritën të bënin mysafirët deri në fundin e ndeshjes, ishte goli i nderit i realizuar nga Fabio Borini.
Në stadium i pranishëm ishte edhe Guus Hiddink, trajner i i ri i Chelseas, së bashku me presidentin Roman Abramovich, por e gjitha kjo mbeti nën hije nga përkrahja e madhe që tifozët treguan para, gjatë dhe pas ndeshjes për Jose Mourinhon.
Manchester United harron të fitojë
Një tjetër skuadër tashmë është futur në krizë të rezultateve. Manchester United ngrit flamurin e bardhë në shtëpi përballë skuadrës Norwich City, (1-2).
Asgjë u shkoi për dore djajve të kuq, që fundin e pjesës së parë e mbyllin në disavantazh, pasi Cameron Jerome, kaloi miqtë në epërsi. Me të filluar fraksioni i dytë i lojës, Alexandes Tetty ngrit epërsinë për udhëtuesit dhe japin shenja krize për të besuarit e Luis van Gaal.
Goli i Anthony Marial ishte një pikë shprese për vendasit që deri në fundin e ndeshjes të bënin diçka, por rezultati mbeti i pandryshuar dhe tifozët në Old Traford mbeten të zhgënjyer edhe një ndeshje të rradhës. Djajtë e Kuq janë nëntë pikë prapa liderit Leicester City që këtë javë mposhti Evertonin në udhëtim me rezultat 3-2. /tesheshi.com/
