Topçinjve i mjafton një gol i vetëm i realizuar nga qendërmbrojtësi francez, Laurent Koscielny (72’), për të marrë tre pikët e arta në duel me skuadrën Newcastle United, që i bën londinezët kryesues të vetëm të kampionatit anglez.
Kështu, të besuarit e Arsene Wenger, shfrytëzojnë në maksimum barazimin e Leicester City-t, në shtëpi ndaj Bournemouth, (0-0). Skuadra e italianit Caludio Ranieri, e cila ishte befasia më e këndshme e pjesës së parë të kampionatit, nuk ia del të thyejë mbrojtjen udhëtuese, madje as me një lojtar më shumë në fushë e as me një penalti, të cilën dështoi ta konvertojë në gol, Ryad Mahrez.
Ndërkohë, formulën e fitores e ka rigjetur sërish Manchester United, teksa në shtëpi triumfon ndaj skuadrës, Swansea (2-1). Djajtë duhen ti falen një goli të sulmuesit anglez, Wayne Rooney që realizon në minutën e 77-të të ndeshjes, duke i dhënë fitoren e shpresës skuadrës së drejtuar nga holandezi Luis van Gaal. Paraprakisht, Anthony Martial, kishte kaluar vendasit në epërsi, mirëpo goli i tij u shfuqizua pas shënimit të futbollistit mysafir, Gylfi Sigurdsson.
Falë kësaj fitore, djajtë mbajnë pozitën e pestë me 33 pikë, ndërsa Swansea pas kësaj humbje zbret në vendin 17-të me 19 pikë. Ndërkohë, Arsenali tashmë është lider i vetëm në krye të tabelës me dy pikë më shumë se lideri i deritanishëm, Leicester City. /tesheshi.com/
