Takimi mes Sauthemptonit dhe Totenhemit ishte i fundit i javës së 18-të të kampionatit anglez, në një seri të gjatë ndeshjesh që do të vazhdojnë në ditët në vazhdim.
Ekipet e tjera kryesuese të Premier League-s i kishin fituar më herët përballjet e tyre, shembull të cilin e ndoqi dhe Totenhemi me një fitore bindëse në fushë kundërshtare.
Fitorja 1-4 i jep një trepikësh të vlefshëm Totenhemit, që renditet në vend të pestë në klasifikim, dhjetë pikë larg Çelsit kryesues.
Momenti më pikant i ndeshjes ishte 11-metërshi i gjuajtur nga Harry Kane. Në minutën e 58-të, lojtari i përfaqësueses angleze ekzekutoi tmerrësisht keq një 11-metërsh të dhënë për Totenhemin. Topi përfundoi shumë mbi portë; një goditje që mori shumë vëmendje e u diskutua me nota humoristike.
E sa për lojën, ajo filloi në malore për Totenhemin, që u gjend në humbje që në minutën e dytë, kur shënoi për vendasit V. Van Dijk. Shifrat i barazoi Dele Alli në minutën e 19-të; i njëjti lojtar shënoi dhe një herë tjetër nga fundi i lojës. Kane e kaloi Totenhemin në epërsi në pjesën e dytë, me rezultatin që u thellua dhe nga një gol i Heung-Min Son-it.
Java e 19-të e kampionatit anglez nis të premten, për të përfunduar të dielën. Të shtunën luhet një supersfidë, Liverpul – Mançester Siti. /tesheshi.com/
