Britanikët e kanë merak shpejtësinë në futboll, e ndoshta prej këtij fakti, ndoshta për të justifikuar ndonjë blerje lojtari, kanë përcaktuar një renditje të atyre më të shpejtë të Premier Ligës.
Në bazë të kritereve që ata kanë zgjedhur dhe të dhënave fizike që kanë marrë nga autoritetet britanike të futbollit, kanë përcaktuar dhe 10 sprintierët e kampionatit.
Kajl Uoker i Mancester Sitit, rezulton të jetë më i shpejti në futbollim britanik. Mbrojtësi i djathtë i blerë nga Guardiola pikërisht për t’i dhënë ritëm krahut, ka një shpejtësi vrapimi 35.16 km në orë.
Pas tij renditet Kiko Femenia i Watford me 35.12 km në orë, ndërsa në vendin e tretë, “çuditërisht” është vendosur Loren Koshielni i Arsenalit.
Për francezin pakkush ka menduar se armë të fortë ka sprintin, pasi gjithnjë ka rënë në sy për potencën dhe saktësinë në ndërhyrje.
Por 31-vjeçari vrapon me 35.11 km në orë.
Sadio Mane i Liverpul vijon renditjen, e sprinti i tij arrin 34.84 km në orë.
Dyshja e Bournemuth, King dhe Frazer, janë dy “anonimët” e kësaj renditjeje, ndërsa në vendin e shtatë, renditet Pol Pogba i Mancester Junajtid, me 34.68 km në orë.
Brenda dhjetëshes së lojtarëve “Flash”, bën pjesë dhe Romelu Lukaku i Mancester Junajtid. /tesheshi.com/
