Bethany Hamilton është bërë nënë. Sërfistja amerikane, e cila humbi njërin prej krahëve të saj në moshën 13 vjeçare, për shkak të kafshimit të një peshkaqeni tigër, prej vitesh është bërë burim frymëzimi për të gjithë ata që nuk duan të mposhten nga të papriturat e jetës dhe të vijojnë e të realizojnë ëndrrat e tyre.
Ajo ka arritur të jetë një femër e realizuar dhe pasi ka gjetur dashurinë e jetës së saj, ka realizuar edhe atë që cilësohet si dëshira më e madhe e një femre në jetë: të bëhet nënë.
Bethany ka vijuar sërfin edhe gjatë shtatzënisë. Ditën e djeshme, tepër krenare për gjithçka që ka arritur edhe pse me një mangësi fizike, ajo i ka treguar e prezantuar gjithë botës fëmijën e saj, Tobias, në krah të të atit Adam.
“Lindi më 1 qershor, peshon 3.5 kilogramë dhe quhet Tobias si i gjyshi’,- shkruan Bethany përbri fotos. /tesheshi.com/
