Steve Hilton deri në vitin 2010 ishte drejtor i strategjisë së politikanit David Cameron, duke këshilluar liderin konservator si të fitonte zgjedhjet. Një njeri tepër i aftë në fushën e tij, por që në kulmin e suksesit të arritur, kuptoi se as puna dhe mirëqenia nuk mund t’ia paguanin stresin e marrë nga puna. Ai vendosi të kryente një ndryshim drastik në jetën e tij, ndryshim i cili mbërriti në momentin kur Steve do të zhvendosej për në Shtetet e Bashkuara dhe më saktësisht, në Syicon Valley.
Aktualisht, Steve drejton një kompani analizash politike, por ka vendosur të mos përdorë më celularin, këtë aparat teknologjik pa të cilin shumë persona nuk i dalin të jetojnë, duke qenë se është shndërruar në një mjet shumë të rëndësishëm komunikimi, argëtimi dhe jo vetëm.
“Ishte pikërisht ai instrument që më stresonte aq shumë. Këtë e kuptova kur dola një ditë me biçikletë dhe vura re se ndihesha shumë më mirë”,- tregon Steve.
Celulari ka qenë pajisja e vetme teknologjike nga e cila Steve ka hequr dorë, pasi vijon të përdorë një lap top për të punuar dh për të azhornuar profilin e tij në rrjetet sociale. Në familjen e tij askush nuk ka në plan të ndjekë gjurmët e Steve, për të hequr dorë nga teknologjia. Gruaja e tij, Rachel Whetstone, nuk preferon të heqë dorë (sot është zëvendës presidente e Uber, pasi ishte në krye të komunikimit të Google), ndërsa dy fëmijët e moshës 8 dhe 4 vjeç, përdorin të lumtur tabletët.
Gjithsesi, Steve është shumë i lumtur me vendimin dhe zgjedhjen që ka bërë. “Mund të jemi punonjës shumë të mirë dhe prindër të përsosur edhe pa pasur celularë. Nëse më duhet të këshillohem me të dhëna që mund t’i marr nga celulari për shpejtësi, në një moment të caktuar, jua kërkoj personave që mund të kem pranë. Në fund të fundit, si bënin 20 vite më parë prindërit tanë?”,- përfundon Steve Hilton./tesheshi.com/
