Kreu i PD-së zyrtare Lulzim Basha ka shënuar precedentin e rrallë politike duke deklaruar se deputetët e tij kanë votuar një ligj pa dijeninë se ç’përmbante. Bëhet fjalë për aministinë, e cila zbrazi burgjet pak ditë më parë dhe për të cilën u votua pothuajse në unison.
Por Basha mendon se të tijtë janë treguar syleshë në lidhje me ligjin. “…Grupi Parlamentar i Partisë Demokratike ka shumë deputetet që e votuan ketë amnisti. Kam dijeni në biseda private, se ato nuk e kanë ditur se po votojnë amnistinë, e cila përfshin faljen edhe të korruptuarve. Ato kanë thënë se do të njoftojnë vetë publikisht që të mbajnë qëndrim për këtë zgjedhje”, tha Basha në një komunikim me median.
Edhe pse tashmë një çështje e mbyllur, PD-ja zyrtare po përpiqet që ta mbajë ende gjallë kauzën e kontestimit të aministisë. /tesheshi.com/
