Gjykata kiliane e Apelit vendosi që Kisha Katolike vendase duhet të paguajë kompensim për të tre viktima të abuzimit seksual, ku në qendër të akuzave është ish-prifti Fernando Karadima.
Vendimi unanim kërkon që Kisha të paguajë 100 milionë pesos (146,000 dollarë) secili për “dëmin moral” ndaj Juan Carlos Cruz, José Andrés Murillo dhe James Hamilton.
Ata akuzuan Karadiman për abuzimin seksual dhjetë vjet më parë dhe Kishën për fshehje të skandalit.
Vendimi i Gjykatës së Apelit është i parë i këtij lloji që i kërkohet Kishës Katolike kiliane të paguajë kompensim, në mes të skandaleve me priftërinj të përfshirë në abuzime seksuale.
Rasti mund të hapë rrugën për ngritjen e padive civile me të cilat të kërkohen para nga Kisha Katolike amerikano-latine.
Hetuesit kilianë kanë trajtuar rastet e rreth 120 padive për abuzimin seksual dhe fshehjen e tyre, duke përfshirë 167 zyrtarë dhe punonjës të kishës.
Për shkak se ky përbën një skandal, Papa Francesku javën e kaluar pranoi dorëheqjen e Kardinalit Ricardo Ezzatija, kryepeshkopi i Santiagos dhe anëtar i Kishës Katolike në Kili.
Karadima, 88 vjeç, që jeton në një shtëpi pleqsh në kryeqytetin kilian, ka mohuar akuzat se ai ka abuzuar seksualisht me njerëzit që e kanë paditur atë. /tesheshi.com/
