Nga Bekim Laçi
Pas takimit të dështuar në Bruksel në të cilin nuk u gjet zgjidhje për krizën politike në vend është prononcuar Bashkimi Evropian i cili u bën thirrje të gjithë palëve që në interes të vendit dhe qyterarëve të gjejnë kompromis të përhershëm politiki cili do të definojë marrëveshjen tashmë të arritur në Shkup më 2 qershor: “Komisioni Evropian tani do të shqyrtojë sesi të kontribuojë në formën më të mirë për procesin politik në vend dhe mbetet e gatshme t’i lehtësojë diskutimet”, thuhet në deklaratën e zëdhënëses së komisionit Evropian Maja Kocijançiç. Ndërkohë, në opinion kanë filluar të zbardhen edhe prapaskenat të pabublikuara.
Burime të Lidhjes Social Demokrate të Maqedonisë kanë njoftuar sot se kryeministri Gruevski i ka ofruar opozitës maqedonase katër zëvendësministra në sektorët: financa, punë të brendshme, bujqësi, politik sociale dhe ka paralajmëruar dorëheqje pak para zgjedhjeve në prill, gjë të cilën Zaev e ka refuzuar.
Duke komentuar zhvillimet, ish ministri i jashtëm i Maqedonisë Denko Maleski thotë se BE dhe SHBA janë shumë të kujdesshme sepse për ata, në rend të parë është siguria e vendit “Meqenësë kanë të bëjnë me personalitet i cili kontrollon tërë strukturën e shtetit të cilën e ka ndërtuar për nëntë vite, aq sa është në pushtet, dhe kemi të bëjmë me njeri i cili gëzon mbështetjen e dy partive kryesore shqiptare (BDI dhe PDSH) dhe nuk bashkëpunon në dorëzimin e pushtetit dhe instalimin e demokracisë, bën Perëndimin të jetë i kujdesshëm për t’mos shkaktuar tensione të brendshme” thotë Maleski.
Ndërsa prestigjiozja gjermane “Shpigel” pas dështimit të negociatave ka alarmuar për një konflikt të mundshëm në vend: “Shteti Ballkanik rezikon luftë qytetare” shkruan gazeta në verzionin e saj elektronik duke informuar për dështimin e takimit në Bruksel.
“Gjatë sundimit të qeverisë së djathtë-nacionaliste të kryeministrit Nikolla Gruevski, i cili është në pushtet nga viti 2006, Maqedonia është futur në situatë diktatoriale dhe mafioze, shkruan mes tjerash Shpigel.
/tesheshi.com/
