Ditë pas zgjedhjes së Thaçit president, mediat në Kosovë po gëlojnë në zbardhjen e prapaskenave politike të asaj dite. Së fundi, është deputeti i pavarur, Gëzim Kelmendi, i cili në emisionin “Info – Box” të RTV Dukagjinit, ka dhënë të kuptuar se ka patur ofertë për post ministror në këmbim të votës “pro” Thaçit
“Takimet e para për të më bindur për të qëndruar në sallë, kanë filluar para tri javëve; por takimet e fundit kanë qenë dy ditë para zgjedhjes së presidentit. Takimin e fundit e kisha me presidentin tashmë të zgjedhur, Hashim Thaçi. Nga unë është kërkuar të qëndroj në sallë, me ç’rast plotësimi i kësaj kërkese do të rezultonte më marrëveshje politike. Marrëveshja politike ka përfshirë që të jem pjesë e koalicionit qeverisës për të drejtuar ministri, por që edhe të jemi pjesë e diplomacisë. Nuk kam mundur të shkelë mbi fjalën e dhënë”, ka thënë Kelmendi.
Ai tashmë ka themeluar dhe drejton partinë “Fjala”, pasi u shkëput nga Partia e Drejtësisë e z.Aganit, nga e cila u bë dhe deputet. /tesheshi.com/
