Po zhvillohen edhe në këto momente, ndërkohë që kanë vazhduar gjithë natës së mbrëmshme përpjekjet frenetike nga Uashingtoni dhe Brukseli për të realizuar një takim ndërmjet Edi Ramës dhe Lulzim Bashës.
Pas dështimit të parë, mësohet se takimi pritet të zhvillohet me një palë të tretë që do të jetë garant.
Siç mësohet Rama dhe Basha kanë dy mundësi: njëra në Bruksel dhe njëra në Tiranë.
E para pëlqehet më shumë nga ndërkombëtarët pasi nuk ka mundësi interferimi nga faktorët e brendshëm në Tiranë.
Siç bëri të ditur një burim diplomatik për tesheshi.com, kryetari i Parlamentit Europian, Antonio Tajani pritet që të urdhërojë nisjen e një micioni të poaçëm nga dy grupet e mëdha parlamentare, ai i PSE-së dhe i PPE-së për të ulur Edi Ramën dhe Lulzim Bashën në tryezë.
Ditën e djeshme, Basha ka refuzuar ofertat e kryeministrit shqiptar dhe pritet që dy ditët pasuese të ndodhë tentativa e fundit, pasi të hënën digjet afati për zgjedhjet.
Ndërkaq, Ilir Meta, nga vendi i origjinës së tij, Skrapari, vendi ku shpesh bën thirrje të forta politike, ai ka deklaruar:
“Është shumë e rëndësishme të gjendet një zgjidhje në ditët që vijnë. Ne do të bëjmë çdo gjë që Shqipëria të ecë në rrugën e stabilitetit, të legjitimitetit të institucioneve dhe të paqes sociale. Të gjithë duam paqen sociale në familjen tonë, në vendin tonë, sepse pa këtë nuk ka as siguri, as arsimim më të mirë, as ekonomi më të mirë, as punë më të sigurta dhe padyshim nuk ka një perspektivë në këtë vend”.
Sinjali i Metës ka qenë një zbutje nga deklaratat e së mërkurës ku kërcënoi për largimin e ministrave nga qeveria.
Madje me vete kishte edhe ministrin e Transporteve, Sokol Dervishaj, i cili ka premtuar investime në Skrapar nga kjo qeveri, çka është kuptuar si sinjal kontuiniteti.
Ndërkaq, gjatë ditës së mbrëmshme ka ardhur një sinjal tjetër nga ana e opozitës, pikërisht prej kryenegociatorit të PD-së që prej 10 viteve, Oerd Bylykbashi, i cili ka drejtuar bisedimet që nga Kushtetuta e 2009-s, kodet zgjedhore e deri tek Reforma në Drejtësi.
Kreu i PD-së, ndërkohë që në çadër deklaroi se nuk hyn në zgjedhje pa qeveri teknike, ai nxori ish-bashkëpunëtorin e Sali Berishës, pasi ka qenë shefi i tij i kabinetit, që të bëntë të ditur se opozita është që kjo qeveri të qëndrojë deri më 18 qershor.
Oerd Bylylbashi, bashkëpunëtori më i ngushtë i Bashës, që ka qenë edhe nënkryetar i komisionit të Reformës në Drejtësi, shkroi në një status në Facebook se kjo qeveri qëndron në detyrë deri më 19 maj, që do të thotë në afatin kushtetues kur shpërndahet dhe Parlamenti dhe qeveria është kujdestare për zgjedhje.
Ja ç’shkruan Bylylbashi:
“Teknikisht i mbaruar! Me 19 maj, maksimumi, ky parlament shperndahet. Keshtu thote ligji.
Sado te ngrefoset se dikur paska patur 1 milion vota, me pak fjale, shume shpejt qeveria e Edi Rames teknikisht kthehet ne qeveri “teknike”, por jo e besueshme.
Qe pas asaj date, qeveria e Edi Rames nuk miraton dot me ligje ne parlament, por vetem mbledh taksa dhe duhet te paguaje per spitalet, shkollat, policine, ushtrine, rrogat, pensionet”.
Një sinjal që mund të merret normalisht si një mundësi negociate dhe lëshim nga kushtet ekstreme. Por situata është e brishtë dhe kërkon një menaxhim delikat nga mazhoranca.
Çdo deklaratë konfliktuale mund të shkatërrojë gjithçka, siç ka ndodhur ditët e fundit. /tesheshi.com/
