Mendimtari dhe analisti i shquar i Kuvajtit, Abdullah al-Nefisi, është ndër ata që ka dënuiar marrëveshjen midis Izraelit dhe Emirateve të Bashkuara Arabe, për normalizim të raporteve mes tyre dhe zgjerimit të bashkëpunimit.
Al-Nefisi tha se nuk ka asnjë justifikim për lidhjen e marrëveshjeve të tilla me Izraelin, duke deklaruar se: “Ne nuk po bëjmë luftëra me entitetin sionist, dhe as nuk kemi një kufi të përbashkët ose interesa me ta. Ne jemi të bindur dhe të sigurt se prapa këtyre marrëveshjeve midis shteteve të Gjirit dhe Izraelit qëndron bashkëpunimi i fshehtë me armikun sionist dhe ata që qëndrojnë prapa entitetit sionist dhe që e mbështesin atë, janë Shtetet e Bashkuara të Amerikës “.
Al-Nefisi theksoi se aspirata sioniste për të arritur marrëveshje të tilla është kryesisht për të arritur qëllime të caktuara, dhe ato janë:
– Nafta arabe. Kur vendet e Gjirit të sigurojnë një linjë të sigurt për të furnizuar sionistët me naftë të lirë, do ta bëjë këtë një shërbim të shkëlqyeshëm.
– Tregu i Gjirit karakterizohet nga konsum i lartë dhe i shpejtë.
– Sionistët duan të kenë një ndikim të drejtpërdrejtë në skenën e Gjirit, në mënyrë që të nxisin luftëra dhe konflikte, dhe të mbjellin trazira dhe çrregullime midis palëve të ndryshme.
– Sionistët duan të bëjnë një marrëveshje me disa vende të Gjirit për një gjë shumë të rrezikshme, dhe kjo është zgjidhja e të paktën 3 milion palestinezëve në shkretëtirën e Gjirit, që do të përbënte një rrezik të madh për sigurinë dhe paqen civile në Gji. /tesheshi.com/
