Një grup i posaçëm i BE ka vëzhguar dhe filmuar demonstratën e opozitës
Përveç Policisë dhe Forcave speciale që kanë qenë në gatishmëri sot gjatë protestës së Partisë Demokraike, në disa pika kyçe të Bulevardit “Dëshmorët e Kombit” janë parë disa forca të veçanta me një uniform ndryshe, por që rrinin gjatë gjithë kohës me dylbi. Nuk mbanin armë dhe nuk ishin pjesë e trupës policore që ruante qetësinë. Ata ishin ekspertë monitorimi të Bashkimit Europian, të cilët raportojnë për delegacionin e BE-së në Tiranë dhe për vendet anëtare të Bashkimit Europian. Edhe pse përbën një protokoll normal të vëzhgimit të situatës në vend në hartimin e raporteve periodike për të vlerësuar ecurinë e Shqipërisë drejt integrimit europian, ky mision në terren ka pasur një natyre specifike dhe demonstrative.
Burime diplomatike i thanë “tesheshi.com” se zyrtarë të BE-së në Tiranë i kanë bërë të ditur kreut të Pd-së Lulzim Basha, se gjithçka do të monitorohet. Një dërgatë e ambasadorëve të Bashkimit Europian është takuar mbrëmë vonë me kreun e Partisë Demokratike, i cili nga ana e tij ka shprehur shqetësimin se policia po kryen reprezalje tek militntët e opozitës. Përgjigja që i ka ardhur bashës nga bashkëbisedueshit ka qenë: “Don’t worry, we will observe everything”. Pikërisht kjo frazë ka tingëlluar në veshin e kreut të PD-së si një sinjal i qartë, duke qenë se ai e njeh mirë diplomacinë. Një msazh i ngjashëm i është dhënë edhe gjatë takimeve që kreu i PD zhvilloi në Strazburg dy ditë më parë. Në fakt monitorimi i gjithë jetës politikë është një aspect normal i veprimtarisë së BE që përgatit raporte periodike, por demonstrimi i njerëzve në terren ka ndodhur vetëm në vitin 1998, kur ish shefi i misionit të OSBE-së atëherë, Dan Everts as disa incidenteve në tubimet e PD vendosi së bashku me stafin e tij të vishte uniforma dhe kapele me mbishkrimin OSBE dhe të “zhytet” brenda në mitingjet e opozitës.
Qëndrimi i B në fakt është në unision me mesazhet e ambasadës së Shteteve të Bashkuara në Tiranë, e cila për herë të parë ka lëshuar 4 deklarata radhazi, të cilët kanë qenë kritike jo me linjën e Bashës në PD por me zhvillimet që anonçuan ish-kryeministri Berisha dhe kreu u grupit parlamentar Paloka për incidente në mitingun e sotëm. Dhe pas takimit të Bashës me ambasadorët qarqe brenda selisë blu shpërndanë lajmin e dy linjave atë të Berishës dhe atë të Bashës, ku ish-kryeministri kërkonte të hynin brenda në Kuvend. Në fakt kjo nuk ka ndodhur realisht.
(tesheshi.com)
