Fondi i Kombeve të Bashkuara për Ndihmën e Fëmijëve (UNICEF) ka njoftuar se më shumë se 115,000 fëmijë në Libi nuk po shkojnë në shkollë për shkak të krizës aktuale dhe konfliktit në atë vend.
UNICEF paralajmëron se konfliktet e intensifikuara në Tripoli dhe rrethinat e tij kanë pasoja katastrofike për arsimin.
Deklarata thoshte se në rajonet Ain Zara, Abu Salim dhe Soug al Jumaa, edhe pesë shkolla u mbyllën së fundi, duke iu bashkuar 210 sosh të mbyllura prej kohësh, prej të cilave115,000 fëmijë kishin mbetur pa mësim.
“Prindërit nuk duhet të detyrohen të zgjedhin midis dërgimit të fëmijëve të tyre në shkollë dhe sigurisë së tyre”, tha UNICEF.
Libia ka qenë skena e një krize të thellë politike dhe të sigurisë që nga 2011, kur u vra udhëheqësi Muammar Gaddafi. Që atëherë, ka pasur një luftë për dominim midis kampeve rivale me qendër në Tripoli dhe Tobruk.
E gjitha ndodhi nga e ashtuquajtura “Pranverë Arabe”, e cila solli destabilitet e konflikte dhe në vende të tjera, ku veçon Siria. /tesheshi.com/
