Partia Demokratike akuzoi kryeministrin Edi Rama dhe ministren e Arsimit, Lindita Nikolla se kanë futur në kaos maturantët që do duhet të hynin në universitete.
Sipas sekretares së Marrëdhënieve me Publikun në selinë blu, Grida Duma, maturantët nuk kanë asnjë informacion se pse nuk rezultojnë fitues apo sesi u është llogaritur mesatarja. Ajo tha se Qeveria i lau duart duke ia hedhur përgjegjësinë universiteteve, ndërsa ishte ajo që ndryshoi rregullat në prag të përfundimit të maturës.
“Rama me Nikollën vranë meritat e çdo maturanti, mbollën kaos, zhdukën transparencën dhe i futën universitetet në rrugë pa krye, duke favorizuar klientelën e tyre të universiteteve private” tha ajo. /tesheshi.com/
