Nga selia e FIFA-s në Zurich bëhet e ditur se pranimi i Kosovës si anëtarë me të drejta të plota është pjesë e axhendës së Kongresit të 13 majit, siç dhe ka qenë.
Siç bën të ditur Presheva Jonë, në një korespondencë nga selia e FIFA-s në Zvicër, nuk ka asnjë ndryshim të draftit që u është shpërndarë federative të të gjithë botës që do të votojnë pas një jave.
Alois Hug, një zyrtar i FIFA-s në Zurich, i tha Nefail Maliqit, gazetarit shqiptar të akredituar në organizatat ndërkombëtare në Zvicër se “Pranimin e Kosovës në UEFA, FIFA e konsideron të plotë dhe të vlefshëm që mund të miratohet nga Kongresi i FIFA-s, pas votimit me 13 maj në Meksico”.
Duhet thënë se Maliqi sjell frazën e plotë në frëngjisht të zyrtarit të FIFA-s.
Sipas procedurës, kandidatura njëherë do të shikohet nga një komitet i posaçëm që shikon ligjshmërinë, dhe më pas ai do të prezantojë një raport special për Komitetin Ekzekutiv të FIFA-s, i cili më do të vendosë për aplikacionin e Kosovës, që do të pranohet ose refuzohet në Kongresin e ardhshëm të FIFA-s.
Pra në Kongresin e Meksikos, mund të vendoset hyrja në rend të ditës të diskutimit të aplikimit të Kosovës, jo pranimi i saj si anëtar i FIFA-s.
/tesheshi.com/
