Prania në Tiranë e Hoyt Yee-së, diplomatit të lartë amerikan që është në aksion e sipër për të zgjidhur ngërçin në politikën shqiptare, nuk kanë patur asnjë ndikim në gjuhën e kreut demokrat, Basha.
Ky së fundi sërish është shfaqur ashpërsisht ultimativ, duke thënë se: “….mos e merr kaq lehtë Edi Rama. Është jeta e miliona shqiptarëve, thirri mendjes, nuk ka për të pasur zgjeshje pa opozitën dhe popullin, nuk për të pasur parlament monist. Mos abuzo me natyrën tonë demokratike, paqësore dhe europiane, sepse kur gjithçka të shterohet shqiptarët dhe unë në krye të tyre do ta mësojmë se nuk është lojë shahu. Qeveri teknike që do zbatojë ligjin e demkriminalizimit, që do luftojë impaktin e drogës në zgjedhje. Mendoni se do marshoni Shqipërinë dhe shqiptarët si dele në zgjedhje? Gaboheni, nuk ka për të ndodhur. Kemi qenë të fortë dhe sot jemi akoma më të fortë, kemi qenë të duruar por sot jemi më të paduruar. Ose zgjedhje të lira dhe të ndershme ose zgjedhje të tjera në Shqipëri nuk do të ketë.”
Por gjithsesi, Basha e ka patur dhe një mesazh për ndërkombëtarët, tek të cilët përfshihet padyshim dhe Hoyt Yee.
“Ai ju sheh ju, politikanët, miqtë tanë ndërkombëtarë si gurë shahu në lojën e tij të shahut. Kjo lëvizje dhe ky bashkim shqiptarësh nuk është lojë. Republika e re që po vjen nuk është lojë.Për të njerëzit janë statistika, janë gurë shahu. Për të vetëm pasurimi dhe pushteti i tij ka rëndësi”, theksoi Basha nga çadra, gjatë fjalimit të paradites. /tesheshi.com/
