Arrestohet në Belgjikë i dyshuari i nëntë në lidhje me masakrën e muajit të kaluar në Paris, ku mbetën të vrarë 130 persona.
Prokurorët belgë deklaruan se i arrestuari, i identifikuar si Abdoullah C, ishte kontaktuar nga kushëriri i të dyshuarit si drejtues i grupit të zjarrit Abdelhamid Abaaoud, menjëherë pas sulmeve të 13 nëntorit.
Policia nuk e njoftoi arrestimin e tij në mënyrë që të mos alarmonte bashkëpunëtorët e mundshëm të tij.
Sipas mediave belge, ai u paraqit në gjykatë sot, por seanca ndaj tij u shty. Pritej që gjuqtarët të vendosnin për zgjatjen e paraburgimit të tij.
Disa ditë më parë, policia belge kreu një seri arrestimesh lidhur me ngjarjet e Parisit, por disa orë më vonë i la të lirë për mungesë provash.
Kodi Penal belg nuk lejon operacione policore pas orës 23, kështu që i la rrugë të lirë arratisë së të dyshuarit kryesor të ngjarjeve të muajit të kaluar, Salah Abdeslam.
/tesheshi.com/
