Nga Mensur Krasniqi
Opinioni në Maqedoni u përqëndruar sot tek arrestimi i Armend Fazliut, nipit të n/kryetarit të Kuvendit maqedonas, Rafiz Halitit, për të cilin ka dominuar dhe vijon në dominojë mendimi se është një akt i pushtetit me prapavijë politike. Kjo, pasi ky ditë pasi Rafiz Haliti përmes një interviste kërkoi reforma brenda BDI-së.
Vetë Haliti ende nuk është prononcuar lidhur me këtë rast.
Armend Fazliu akuzohet për një ngjarje të ndodhur i vit e gjysëm më parë, kur një zjarr i madh përfshiu objektin e drejtorisë së Postave të Maqedonisë. Nga ky zjarr nuk pati viktima njerëzish, mirëpo u shkaktuan dëme të mëdha materiale në katin e dytë, por edhe në sallën ku ishin ruajtur paratë nga fitimet e postës të realizuara gjatë ditës.
Nga ajo ditë e deri më sot nuk është përfolur rreth ndonjë dyshimi se pikërisht nipi n/kryetarit të Kuvendit, Rafiz Haliti, ka shkaktuar zjarrin për fitime personale. E gjitha procedura e akuzave ndaj tij paska qenë një mister, që me arrestimin e tij sot doli në shesh.
Dhe nga informacionet e para që arriti të sigurojë portali tesheshi.com merret u morr vesh se Armend Fazliu është arrestuar mu para ndërtesës së Postës.
Lajmin mbi arrestimin e Fazliut më vonë e ka konfirmuar edhe zëdhënësja e Sektorit për Punë të Brendshme në Shkup, Liza Bendevska.
“ Rreth orës 10 në mëngjes nga ana e Sektorit për Punë të Brendshme në Shkup është arrestuar personi A.F(30) në bazë të kërkesës së Gjykatës Themelore. MPB ka vepruar në pajtim me kërkesën e Gjykatës”, deklaroi Liza Bendevska, zëdhënëse e SPB-Shkup.
Ndërkaç avokatja mbrojtëse e Armend Fazliut, Mimoza Salltirova shprehet tejet nervoze me arrestimin e klientit të tij, meqë gjatë arrestimit, siç thotë ajo nuk është respektuar ligji.
“Urdhri për arrestim është joligjor, sepse unë kam bë lutje për prolongim të ekzekutimit të dënimit. Kjo lutje nuk është shqyrtuar fare. Nuk e di cilat janë shkaqet që nuk është shqyrtuar, mirëpo kjo është shkelje e ligjit”, tha avokatja Mimoza Salltirova.
Pas arrestimit të Fazliut nga policia e Stacionit Policor “Bekon” në qendër, ai është dërguar në burgun e Shutkës. Gjykata themelore në Shkup para disa muajve kishte dënuar Fazliun me 1 vit e gjysmë burg nën akuzën për “Vepra të rënda kundër sigurisë së përgjithshme”.
Këtë vendim më pas e ka konfirmuar edhe Gjykata e Apelit. Mirëpo sipas avokates Salltirova, Gjykata themelore ka shpejtuar me vendimin e tyre për arrest të Armend Fazliut, meqë nuk ka marrë aspak parasysh kërkesën e tyre për Shqyrtim të jashtëzakonshëm të rastit drejtuar Gjykatës Supreme.
“Ne kemi intervenuar përmes mekanizmit të posaçëm juridik deri te Gjykata Supreme, duke kërkuar Shqyrtim të jashtëzakonshëm të këtij rasti. Mendoj se gjykata është dashur ta marrë parasysh këtë kërkesë tonën dhe të mos kërkojë ekzekutim të vendimit për arrest, deri sa të marrim përgjigje”, thekson avokatja Salltirova. /tesheshi.com/
