Nuk është hera e parë që familjarët e personave që mbajnë poste të larta zyrtare kanë sjellje krejt arrogante me policinë apo në institucioneve të tjera shtetërore, me pretendimin se kanë “mik” në pushtet.
I këtillë është edhe rasti vëllai i kryebashkiakut të Devollit, Bledjon Nallbati. I riu Altin Nallbati u shoqërua në komisariatin e rrethit, pasi u përfshi në një konflikt me dy efektivë policie në detyrë. Mësohet se ai ka nisur të konfliktohet fillimisht me një punonjëse policie, e cila ishte bashkëshortja e Devi Agos, specialistin e SHÇBA dhe më pas sherri është përshkallëzuar edhe me këtë të fundit.
Ai ishte ndaluar nga autoritetet e rendit pasi një person i afërt me të ishte shoqëruar për prerje dhe transport të paligjshem të pyjeve.
Nuk janë të pakta rastet që në media përfliten lajme të tilla ku të afërm e familjarë të përfaqësuesve të lartë bëhen pjesë e skandaleve dhe ngjarjeve banale. Pak muaj më parë, edhe djali i kryebashkiakut të Kurbinit, Kevi Bardhi u bë pjesë e një aksidenti në aksin Fushë Krujë-Milot, pasi po ecte jashtë normave të lejuara./tesheshi.com/
