Është arrestuar në Dubai, një vendstrehim për kriminelë shqiptarë, Durim Bami, nëj emër famëkeq fushëkrujas, për kokën e së cilit thuhet se do paguheshin, nga armiq të tij, gati një milion euro.
Është Policia e Shtetit që e njofton këtë zhvillim.
“Gjykata e Posaçme e Shkallës së Parë Kundër Korrupsionit dhe Krimit të Organizuar, më datë 15.05.2024, i ka caktuar këtij shtetasi, masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal”, “Kultivimi i bimëve narkotike”, dhe “Kryerja e veprave penale nga organizata kriminale, ose grup i strukturuar kriminal”. Vijon procedura për ekstradimin e këtij shtetasi drejt vendit tonë”, përfundon njoftimi i Policisë së Shtetit.
Me emrin e Durim Bamit lidhen disa ngjarje të rënda kriminale të viteve të fundit. Por nëse ai nuk hap gojë, pra që të bashkëpunojë me Policinë, arrestimi e dënimi tij mbeten gjysmakë në zbulimi e zbardhjen e shumë aferave të pistave ku është mpleksur krimi dhe politika.
Mjaft që njeriu që porosit vrasjen e tij, por që nuk ndodhi, ishte deputet i PS-së, Arben Ndoka, njëherësh një ish-zyrtar administrate i PD-së kur kjo e fundit ishte në pushtetm, në qytetin e tij, në Lezhë. /tesheshi.com/
