Nga Presidenca ka dalë mesazhin se banori i saj, Ilir Meta, do dalë prej aty vetëm në vetëm e vitit 2022, kohë kur i mbarron mandati. Eshtë ky një përbetim i përcjellë së fundi nga zëdhënësi i tij Tedi Blushi, e që i paprin parapërgatitjes së shkarkimit që ka ndërmarrë mazhoranca.
Reagimi erdhi si kundërpërgjigje ndaj disa komenteve në medias të gazetarit kosovar Baton Haxhiu, i qënë krah Ramës në zhvillimet e fundit politike.
“Ilir Meta do të jetë President i Republikës deri në 24 korrik 2022. Është më e ndershme që zëdhënësi i Stanishiçit të vazhdojë të marrë rrogën si këshilltar i Ramës sesa t’ i japë konsulencë falas të pakërkuar Presidentit.
Kanë rënë ata që duke ndarë Shqipërinë, duan të ndajnë Kosovën”, shkroi Blushi.
Eshtë ky një mesazh që e bën më të thellë përplasjen mes mazhorancës dhe presidentit, ku për paradoks, Meta u zgjodh i tillë vetëm me votat e PS-së pasiu propozua nga Rama për të qenë kreu i shtetit. Madje për këtë u përball dhe me keqgjykimin e oponionit, pasi po ia dorëzonte çelësat e presidencës njeriut u kap me bllok në dorë duke abuzuar me detyrën, e solli më pas 21 Janarin. /tesheshi.com/
