Ndërsa disa ditë më parë jemi njoftuar për reshje të dendura borë në veri të Shqipërisë, ditën e sotme mësojmë se është zbardhur dhe jugu e më konkretisht bëhet fjalë për Llogaranë, i cili është mali i parë në jug që preket nga rreshjet e borës.
Përveç kësaj, edhe pse shumë banorë janë të gëzuar, për shkak të këtyre fenomeneve jo të zakonshme në këtë stinë, e të tjerë shprehin pakënaqësitë e tyre, nuk kanë munguar as problemet e para sa i takon qarkullimit rrugor.
Falë reshjeve të dendura që kanë rënë gjatë ditëve të fundit dhe gjatë natës së sotme, mësohet se në qafën e Llogarasë rruga kalohet me vështirësi dhe policia udhëzon udhëtarët që të përdorin zinxhirët.
Ndërkaq, probleme janë paraqitur dhe ne Gramsh, ku rrëshqitja e dherave si pasojë e lagështirës është vështirësuar kalimi në akset që lidhin qytetin me komunat Sulte, Kukur dhe Poroçan.
Fatmirësisht, deri më tani nuk ka zona të izoluara, edhe pse reshje të shumta kanë rënë në zonat veriore. /tesheshi.com/
